ቶተንሃም በፓላስ ላይ የቦክሲንግ ዴይ ድል አስመዝግቧል!

እሁድ እለት ቶተንሃም ሆትስፐር የለንደን ባላንጣውን ክሪስታል ፓላስን አሸንፏል። ኬን፣ ሞራ እና ሶን ግብ ያስቆጠሩት ተጫዋቾች ናቸው!

ቶተንሃም ሆትስፐር 10 ሰው የነበረውን ክሪስታል ፓላስን 3-0 በማሸነፍ የእንግሊዝ ፕሪሚየር ሊግ (ኢ.ፒ.ኤል.) የቦክሲንግ ቀን ነጥብን በቀላሉ በበበላይነት ከለንደን ደርቢ ወስዷል።

ስፐርሶች ከእረፍት በፊት ሁለት ጎል አስቆጥረዋል። ይህ በእንዲህ እንዳለ ፓላስ አሰልጣኙ ፓትሪክ ቪዬራን በ ኮቪድ-19 ምክንያት ያጣ ሲሆን ዊልፍሬድ ዛሃም በቀይ ካርድ ከሜዳ ተባሮ ወደ 10 ሰዎች ተቀንሷል።

ቶተንሃም መጀመሪያ አካባቢ የተሻለ ነበር ፣ እና ሶን ሄንግ-ሚን ጃክ በትላንድን ወድያው ከመጀመሪያው ፊሽካ በኋላ ፈትኗል። ደቡብ ኮሪያዊው ከርቀት ባደረገው ጥረት የፓላሱ ግብ ጠባቂ ወደ ቀኝ ዝቅ ብሎ እንዲያድን አድርጎታል።

ስፐርስ መረቡን ለማግኘት 30 ደቂቃ መጠበቅ ነበረበት። ሉካስ ሙራ ከመሀል ሜዳ ተነስቶ የሰነጠቀውን ኳስ ኬን በግራ እግሩ በመምታት ምንም ስህተት ሳይሰራ አስቆጥሯል።

ከሁለት ደቂቃዎች በኋላ ሞራ ጎል አስቆጥሯል ፣ ኤመርሰን ሮያል ከቀኝ መስመር ያሻገረለትን ኳስ ወደ ጎልነት ቀይሯል።

በ37ኛው ደቂቃ ዛሃ በዳቪንሰን ሳንቼዝ ላይ በሰራው ጥፋት ሁለተኛ ቢጫ ካርድ ሲመለከት የፓላስ ከባድ ስራ የበለጠ ከባድ ሆነ።

ስፐርሶች ከእረፍት መልስ በ10 ሰው ፓላስ ላይ ሙሉ ለሙሉ ተቆጣጥረው ተጫውተዋል ፣ በመጨረሻም ሶስተኛውን ጎል ጨዋታው ሊጠናቀቅ አስራ ሰባት ደቂቃ ሲቀረው ሶን ከቅርብ ርቀት ሞራ ያሻገረውን ኳስ አስቆጥሮታል።

ቶተንሃም አሁን 29 ነጥብ ሲይዝ ከአራተኛው አርሰናል በ6 ዝቅ ብሏል ፣ ነገርግን ሦስት ጨዋታዎች ይቀሩታል።

ኮንቴ ከኑኖ ኢስፔሪቶ ሳንቶ በኃላፊነት ከተረከቡ በኋላ በቶተንሃም ያለውን ድባብ ቀይሯል እና ይህ የመጨረሻው ድል የእሱ ዘዴዎች ውጤታማ መሆናቸውን የሚያሳይ ተጨማሪ ማስረጃ ሰጥቷል።

“ትንሽ በዝግታ ጀመርን ነገርግን የጎል እድሎችን ፈጠርን። ጥራቱን እና ጥንካሬን አሻሽለናል እና ሁለት ጎል አስቆጥረን ከ10 ተጫዋቾች ጋር ስንጫወት ቀላል ነበር” ሲል ኮንቴ ተናግሯል።

አሁን በኢ.ፒ.ኤል 12ኛ ደረጃ ላይ የሚገኘው ፓላስ በጨዋታው አንድም ኢላማ የጠበቀ የግብ ሙከራ ማድረግ አልቻለም።