ፓሪስ ሴንት ዠርሜይን የሊግ 1 መሪነቱን የበለጠ ሊያሰፋ የሚችልበን ሶስት ነጥብ ለማግኘት እሁድ ወደ ሊዮን ያቀናል። መጥፎ አቋም ላይ የሚገኙት ሌ ጎንስ በራስ መተማመንን የሚያጎለብት ድል እና በሰንጠረዡ ከፍ የማለት እድል ይፈልጋሉ!
በ2021-22 የውድድር ዘመን እጅግ በጣም የተለያየ አቋም እያሳዩ ያሉሁለት የፈረንሣይ እግር ኳስ ሃያላን ፣ ሊዮን ፓሪስ ሴንት ዠርሜንን ሲያስተናግድ በግሩፕማ ስታዲየም ለመፋለም ተዘጋጅተዋል።
ሌስ ፓሪሲየንስ በሊግ 1 የደረጃ ሰንጠረዥ አናት ላይ በ13 ነጥብ ብልጫ ሲቀመጡ የፒተር ቦዝ ሊዮን ደግሞ በ13ኛ ደረጃ ላይ ተቀምጧል ይህም እስካሁን ወጥ ያልሆነ ዘመቻ ተከትሎ ነው።
ሌስ ጎንስ በሊግ 1 ካደረጓቸው ያለፉት 6 ጨዋታዎች አንድ ጊዜ በማሸነፍ ያስመዘገቡት የቅርብ ጊዜ ሪከርድ የሊዮንን ያህል ክብር ላለው ክለብ በጣም አሳፋሪ ነው። ሆኖም በሜዳቸው ባደረጓቸው ጨዋታዎች በሙሉ በዚህ የውድድር ዘመን መረባቸውን አግኝተው ሽንፈት ያጋጠማቸው አንድ ጊዜ ብቻ በመሆኑ በዚህ ሳምንት መጨረሻ ለፒኤስጂ ማሸነፍ ቀላል አይሆንም።
የባለሜዳው ቡድን የፊት መስመር መስመር በአፍሪካ ዋንጫ ጥሪዎች ተመናምኗል ፣ ቲኖ ካዴዌር፣ ካርል ቶኮ ኤከምቢ እና ኢስላም ስሊማኒ ዚምባብዌን ፣ ካሜሩንን እና አልጄሪያን በቅደም ተከተል ወክለዋል። ራያን ቼርኪ እና ዠርዳን ሻኪሪ በአጥቂ መስመሩ ውስጥ ቦታ ለማግኘት ይወዳደራሉ ፣ ብሩኖ ጉይማሬስ ግን ወደ መሃል ሜዳ ለመመለስ ተስፋ ያደርጋል።
በሌላ በኩል ለፒኤስጂ አቻራፍ ሃኪሚ ፣ ኢድሪሳ ጉዬ እና አብዱ ዲያሎ ለአፍሪካ ዋንጫ የተጠሩ ሲሆኑ ኔይማር ባጋጠመው ከባድ የቁርጭምጭሚት ጉዳት ምክንያት ወደ ልምምድ ለመመለስ ጥቂት ሳምንታት ቀርተውታል።
የማውሪሲዮ ፖቸቲኖ ቡድን ሊዮኔል ሜሲ አሁን ከኮቪድ ነፃ ነው በሚለው ዜና እና እንዲሁም ሰርጂዮ ራሞስ ከቅጣት በመመለሱ ይበረታታሉ።
ወደ ሌላ ክለብ የዝውውር ወሬዎች ቢሰሙም ማውሮ ኢካርዲ በአጥቂነት ያልተለመደ የመጀመር እድል ሊያገኝ ይችላል ፣ ኮሊን ዳግባ ፣ ኬይለር ናቫስ እና ሊያንድሮ ፓሬዴስ እንዲሁ ለመጀመር ከቡድናቸው ኮቪድ ወረርሽኝ ሊጠቀሙ ይችላሉ።
የሊዮን በሜዳው ጎል የማስቆጠር ሪከርድ እዚህ ይቆማል ብለን እንገምታለን ፒኤስጂ 2-0 ያሸንፋል። የፖቸቲኖ ቡድን በሁለቱም አጋማሽ መረብን ያገኛል ብለው ይጠብቁ።
የሊዮን ተጠባቂ አሰላለፍ:
ሎፕስ ፤ ሉኬባ ፣ ቦአቴንግ ፣ ዳ ሲልቫ ፤ ጉስቶ ፣ ጉሚሬስ ፣ ካኬሬት ፣ ኤመርሰን ፤ ሻኪሪ ፣ አውዋር ፤ ዴምቤሌ
የፓሪስ ሴንት ዠርሜን ተጠባቂ አሰላለፍ:
ናቫስ ፤ ዳግባ ፣ ማርኪንሆስ ፣ ኪምፔምቤ ፣ በርናት ፤ ዋንያልደም ፣ ፓርዴስ ፣ ቬራቲ ፤ ሜሲ ፣ ኢካርዲ ፣ ምባፔ
