ናፖሊ እና ፊዮረንቲና በምርጥ የጣሊያን ዋንጫ ጨዋታ ይፋለማሉ!

ለዚህ አስደናቂ የኮፓ ኢታሊያ ጨዋታ በሴሪያ ሰባተኛ ደረጃ የሚገኘው ቡድን ሶስተኛውን ይገጥማል። የትኞቹ ተጫዋቾች ይሰለፋሉ እና በኔፕልስ ሃሙስ ምሽት ምን ይፈጠራል?

ናፖሊ እና ፊዮረንቲና በኔፕልስ ስታዲዮ ሳን ፓኦሎ በመጨረሻው 16 የኮፓ ኢታሊያ ጨዋታ ሐሙስ ምሽት ይጫወታሉ።

ባለፈው የውድድር ዘመን በግማሽ ፍፃሜው በአታላንታ የተሸነፈው የሉቺያኖ ስፓሌቲው ናፖሊ በዘንድሮው ውድድር የመጀመሪያ ጨዋታውን ለማድረግ በዝግጅት ላይ ነው። ላ ቪዮላ ግን ቀድሞውንም የሴሪ ቢ ቡድኖችን ኮሴንዛን እና ቤኔቬንቶን በአንደኛ እና ሁለተኛ ዙር በማሸነፍ ለዚህ ደረጃ ብቁ ሆነዋል።

ናፖሊ ፊዮረንቲና ሊያመጣ የሚችለውን አደጋ ይገነዘባል ነገርግን ወደ ሩብ ፍፃሜው እንደሚደርሱ እርግጠኞች መሆን አለባቸው ምክንያቱም ባለፉት ሶስት ጨዋታዎቻቸው በ 10 ለ 1 ድምር ውጤት ሁሉንም አሸንፈዋቸዋል።

በ2000/01 ፊዮረንቲና ለመጨረሻ ጊዜ የኮፓ ኢታሊያ ዋንጫን ያነሳ ሲሆን ከዚያን ጊዜ ጀምሮ የፍሎረንሱ ቡድን በ2013-14 ብቻ ነው የፍፃሜ ውድድር ላይ የደረሰው እሱንም ጨዋታ በሃሙስ ተጋጣሚው ናፖሊ ተሸንፏል።

የቪንቼንዞ ኢታሊያኖ ቡድን በዚህ የውድድር አመት የመጨረሻ ደረጃዎች ላይ መሳተፍ ከፈለገ ፤ በሁሉም ውድድሮች ባደረጉት ያለፉት 17 ጨዋታዎች ሁለት ጊዜ ብቻ ያሸነፉትን የፓርተኖፔይን ቡድን ማሸነፍ አለበት።

ለናፖሊ ካሊዱ ኩሊባሊ፣ አንድሬ ፍራንክ ዛምቦ አንጊሳ እና አዳም ኦውንስ ሃገሮቻቸውን በአፍሪካ ዋንጫ ላይ ወክለው እየተጫወቱ ይገኛሉ።

ስለዚህ ከማንቸስተር ዩናይትድ በውሰት የመታው አክስኤል ቱዋንዜቤ በዚህ ወር ክለቡን ከተቀላቀለ በኋላ ተከላካዩ ለመጀመሪያ ጊዜ ሊጀምር ይችላል። ይህ በእንዲህ እንዳለ የፊት አጥቂ ማትዮ ፖሊታኖ እና አማካዩ ፋቢያን ሩይዝ እንዲሁ በመጀመሪያው 11 ውስጥ ቦታ ለማግኘት ግፊት ያደርጋሉ።

ኢጣልያኖ የፊዮረንቲናን አሰላለፍ ይቀይራል ተብሎ ይጠበቃል ፤ ሆኖም የሰርቢያዊው ኢንተርናሽናል ኮከብ አጥቂ ዱሳን ቭላሆቪች በውድድር አመቱ በ22 ጨዋታዎች 18 ጎሎችን ማስቆጠር የቻለ ሲሆን አጥቂ መስመሩን አሁንም እንደሚመራ ይጠበቃል።

በድርጊት በተሞላ እና ብዙ ጎል በሚቆጠርበት ግጥሚያ ጠባብ የናፖሊ ድል እንጠብቃለን። ግምታችን ባለሜዳው 3-2 ያሸንፋል ቢሆንም የመጀመሪያውን አጋማሽ ፊዮረንቲና ያሸንፋል።

የናፖሊ ተጠባቂ አሰላለፍ:

ኦስፒና ፤ ዲ ሎሬንዞ ፣ ራህማኒ ፣ ሂዋን ጄሱስ ፣ ጎላም ፤ ዴምሜ ፣ ሎቦትካ ፤ ፖሊታኖ ፣ ሜርቴንስ ፣ ኤልማስ ፤ ፔታኛ

የፊዮረንቲና ተጠባቂ አሰላለፍ:

ድራጎውስኪ ፤ ቬኑቲ ፣ ሚሌንኮቪች ፣ ናስታሲች ፣ ቢራጊ ፤ ማሌህ ፣ ፑልጋር ፣ ቦናቬንቸር ፤ አይኮኔ ፣ ቭላሆቪች ፣ ሳፖናራ